நம் இந்திய திருநாட்டில் கிரிக்கெட் போட்டிகளுக்கு இருக்கும் மவுசு வேறு எந்த விளையாட்டிற்கும் இதுவரை கிடைத்ததில்லை, சமீப காலமாக மற்ற விளையாட்டு போட்டிகளில் சர்வதேச அளவில் நடைபெறும் போட்டிகளில் பங்கேற்று இந்திய வீரர்கள் நம் நாட்டிற்கு தங்கமும் வெள்ளியும் வாங்கி தந்து பெருமைபடுத்திய போதும், பத்திரிக்கைகள், தொலைகாட்சிகள் அவர்கள் வெற்றி பெற்ற செய்தியை அறிவித்து தங்கள் கடமையை முடித்து கொண்டன, ஒரு சில வட இந்திய செய்தி தொலைகாட்சிகள் கூடுதலாக சில நிமிடங்கள் ஒதுக்கி வெற்றி பெற்ற வீரர்களின் பேட்டியை ஒளிபரப்பி அத்துடன் தங்கள் கடமையை முடித்து கொண்டன, அதன் பின்பு அந்த வீரர்கள் எங்கு இருக்கிறார்கள், என்ன ஆனார்கள் என்பது கடவுளுக்கு தான் வெளிச்சம். மீண்டும் ஒரு சர்வதேச போட்டியில் வெற்றி பெறும் போது தான் அவர்கள் மீது மீடியாக்களின் வெளிச்சம் விழ துவங்கும்.
கிரிக்கெட் போட்டிகளுக்கு மட்டுமே மைதானங்கள் ரசிகர்களால் நிரம்பி வழியும் என்கிற எண்ணத்தை உடைத்து நொறுக்கி போட்டிருக்கிறது கால்பந்து விளையாட்டு வீரர் (இந்திய கால்பந்து அணி கேப்டன்) சுனில் சேத்ரி போட்ட காணொளி டிவீட். இந்தியாவில் கோடிகணக்கான மக்கள் பயன்படுத்தும் டிவிட்டர் சமூக ஊடகத்தில் சுனில் சேத்ரி கால்பந்து போட்டிகளை காண வந்து தங்கள் (இந்திய) அணியினரை உற்சாகபடுத்துமாறு வேண்டுகோள் விடுத்து வெளியிட்ட காணொளி பல முறை விளையாட்டு வீரர்கள், ரசிகர்களால் பகிரப்பட்டு வைரல் ஆனதுடன் பதினைந்தாயிரம் பேர் அமர்ந்து பார்க்க கூடிய அந்த மைதானத்தில் (மும்பை ஃபுட்பால் அரீனா) இன்று மும்பையில் இந்தியா. கென்யா அணிகள் மோதும் கால்பந்து போட்டிக்கு எல்லா டிக்கெட்டுகளும் விற்று தீர்ந்து விட்டது.
கானொளியில் ரசிகர்களிடம் சுனில் கால்பந்து விளையாட்டை மைதானத்தில் வந்து காண இரண்டு முக்கிய காரணங்களை தெரிவித்திருந்தார், ஒன்று, கால்பந்து விளையாட்டு உலக அளவில் (ரசிகர்களால் அதிகம் பார்க்கப்படும்) முதலிடத்தில் இருக்கும் விளையாட்டு, இரண்டாவது, இந்திய அணி கால்பந்து விளையாட்டை விளையாடுவது, அதோடு தங்கள் அணி விளையாடும் போது காலரியில் இருந்து ரசிகர்கள் எழுப்பும் உற்சாக கூச்சல் தங்களை போன்ற விளையாட்டு வீரர்களுக்கு போட்டியில் வெற்றி பெற உத்வேகத்தை அளிக்கும் என்றும் அதனால் கால்பந்து ரசிகர்கள் அனைவரும் தவறாமல் மைதானத்துக்கு வந்து இந்த போட்டிகளை காண வேண்டும் என்றும், சர்வதேச அளவில் கால்பந்து போட்டிகளில் புகழ் பெற்றிருக்கும் ஐரோப்பிய அணி விளையாடுவது போல் தங்கள் அணி விளையாடா விட்டாலும், எங்கள் அணியால் முடிந்த அளவு சிறப்பாக விளையாடி போட்டியில் வெற்றி பெற முயற்சிப்போம், அதற்க்கு ரசிகர்களாகிய உங்கள் ஒத்துழைப்பு வேண்டும் என்று வேண்டுகோள் விடுத்திருந்தார்.
சுனில் சேத்ரி போட்ட காணொளி டிவீட்
This is nothing but a small plea from me to you. Take out a little time and give me a listen. pic.twitter.com/fcOA3qPH8i— Sunil Chhetri (@chetrisunil11) June 2, 2018
சுனில் சேத்ரி போட்ட காணொளி டிவீட்டை கிரிக்கெட் வீரர்களான சச்சின் டெண்டுல்கரும், விராட் கோஹ்லியும் ஆர்வத்துடன் பகிர்ந்து உற்சாகபடுத்தியது குறிப்பிடத்தக்கது, ஒரு மாற்றத்திற்காக இன்று ஒரு நாள் டிவியில் இந்திய அணி விளையாடும் கால்பந்து விளையாட்டை பார்க்க விரும்பினால் இன்று இரவு எட்டு மணிக்கு ஸ்டார் ஸ்போர்ட்ஸ் சானல்கள் பக்கம் உங்கள் பார்வையை திருப்புங்கள். ஆன்லைனில் பார்க்க விரும்பினால் ஹாட்ஸ்டார், ஜியோ டிவியில் இந்த போட்டிகளை பார்த்து மகிழுங்கள்.
முந்தைய பதிவுகள்:
சமூக ஊடகங்களில் பின் தொடர
